Cockroach Janata Party Protest: ముగిసిన బొద్దింకల జనతా పార్టీ నిరసన.. మంత్రి ధర్మేంద్ర రాజీనామాకు డెడ్ లైన్ 

Cockroach Janata Party Protest: నీట్ పేపర్ లీక్ కేసులో విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ, బొద్దింక జనతా పార్టీ (సీజేపీ) శనివారం ఢిల్లీలోని జంతర్ మంతర్ వద్ద ఐదు గంటల పాటు నిరసన చేపట్టింది. ఈ సందర్భంగా  పార్టీ వ్యవస్థాపకుడు అభిజిత్ దీప్కే మాట్లాడుతూ, మంత్రి ఈరోజు సాయంత్రం 5 గంటలలోపు రాజీనామా చేయాలని, లేకపోతే దేశవ్యాప్తంగా నిరసనలు చేపడతామని అన్నారు. వచ్చే శనివారం, జూన్ 13న జంతర్ మంతర్ వద్ద వారు మళ్లీ నిరసన తెలుపుతామని ప్రకటించారు. 

ఈరోజు సాయంత్రం 5 గంటల వరకు జంతర్ మంతర్ వద్ద నిరసన తెలిపేందుకు సీజేఐ అనుమతి పొందింది. కానీ, అభిజిత్ ఆరోగ్యం క్షీణించడంతో మధ్యాహ్నం 3:30 గంటలకే అది ముగిసింది. అనంతరం ఆయన సోనమ్ వాంగ్‌చుక్‌తో కలిసి నిరసన ప్రదేశం నుంచి వెళ్లిపోయారు. అభిజిత్ ఉదయం అమెరికా నుంచి ఢిల్లీకి  వచ్చాడు. అతను అంబేడ్కర్ ఆత్మకథ, రాజ్యాంగ ప్రతిని తీసుకుని విమానాశ్రయం నుంచి నేరుగా జంతర్ మంతర్‌కు వెళ్ళాడు.

అభిజీత్ జంతర్ మంతర్ వద్ద 5 గంటల పాటు – 5 సార్లు ప్రసంగాలు..

• ఉదయం 7:30 గంటలకు: అభిజీత్ దీప్కే అమెరికా నుండి ఢిల్లీ అంతర్జాతీయ విమానాశ్రయానికి చేరుకున్నారు. ఆయన గంటన్నర తర్వాత బయలుదేరారు.
• ఉదయం 9:30 గంటలకు: అభిజిత్, సీజేపీ ప్రతినిధి అశుతోష్ రాంకాతో కలిసి, అంబేద్కర్ ఆత్మకథను తీసుకుని జంతర్ మంతర్ కు బయలుదేరారు.
• ఉదయం 10:00 గంటలకు: అభిజీత్ జంతర్ మంతర్ వద్దకు చేరుకున్నారు, మద్దతుదారులు ఆయనకు స్వాగతం పలికారు.  ఆయన ప్రజలతో ముచ్చటించారు.
• ఉదయం 10:30 నుండి మధ్యాహ్నం 3 గంటల వరకు: దీపక్ తన మద్దతుదారులను ఉద్దేశించి ఐదు చిన్న ప్రసంగాలు చేశారు, ఈ సందర్భంగా “ధర్మేంద్ర ప్రధాన్ రాజీనామా చేయాలి” వంటి నినాదాలు వినిపించాయి.
• మధ్యాహ్నం 3:30 గంటలకు: దీప్కే ఆరోగ్యం క్షీణించింది. అతడిని ఒక వాహనంలోకి తీసుకువెళ్లారు. ఆ తర్వాత నిరసనను విరమించుకున్నారు. అతను సోనమ్ వాంగ్‌చుక్‌తో కలిసి వెళ్లిపోయాడు.

Cockroach Janata Party Protest: నిరసనలో సోనమ్ వాంగ్‌చుక్..

ఈ నిరసనలో సామాజిక కార్యకర్త సోనమ్ వాంగ్‌చుక్, సీపీఐ(ఎంఎల్) లిబరేషన్ ప్రధాన కార్యదర్శి దీపాంకర్ భట్టాచార్య, సీపీఐ నాయకురాలు అన్నీ రాజా, వామపక్ష విద్యార్థి, యువజన సంఘాల కార్యకర్తలు కూడా పాల్గొన్నారు.

సామాజిక కార్యకర్త సోనమ్ వాంగ్‌చుక్ కూడా బొద్దింకల జనతా పార్టీ నిరసనలో చేరారు. ఆయనతో పాటు సీజేపీ అధికార ప్రతినిధి అశుతోష్ రాంకా కూడా ఉన్నారు. ఐఐటి కాన్పూర్ గ్రాడ్యుయేట్ అయిన అశుతోష్, గత సంవత్సరం లండన్ నుంచి భారతదేశానికి తిరిగి వచ్చారు 

Cockroach Janata Party Protest: సీజేపీ నిరసన దృష్ట్యా ఇందిరా గాంధీ విమానాశ్రయం, ప్రధాన రైల్వే స్టేషన్, బస్ స్టేషన్లు, ఢిల్లీ సరిహద్దు పాయింట్ల వద్ద భద్రతను పెంచారు. ముందుగా నిర్ణయించిన పాయింట్ల వద్ద 1,000 మందికి పైగా పోలీసు సిబ్బందిని మోహరించారు. మార్కెట్లు, సున్నితమైన ప్రాంతాల్లో శాంతిభద్రతలను కాపాడాలని ఆదేశాలు జారీ చేశారు.

మంత్రి రాజీనామాకు 5 రోజుల గడువు

“బొద్దింకల జనతా పార్టీ తమ డిమాండ్‌పై పట్టు వదలడం లేదు. విద్యాశాఖ మంత్రి ధర్మేంద్ర ప్రధాన్ రాజీనామా చేయాలి. రాజీనామా చేయడానికి ఆయన ధర్మేంద్రకు ఐదు రోజుల అల్టిమేటం ఇచ్చారు. బొద్దింకల జనతా పార్టీ డిమాండ్లను నెరవేర్చకపోతే, జూన్ 13న జంతర్ మంతర్ వద్ద మరో నిరసన చేపడతాము” అని అభిజిత్ అన్నారు.