Kalki 2: ప్రభాస్ సినిమాలు ఎప్పుడూ ఒక సంవత్సరంలో పూర్తి కావు. మూవీ సెట్స్ మీదకు వెళ్లిన తరువాత విడుదలకు కనీసం రెండు సంవత్సరాలు పడుతుంది. ‘బాహుబలి’ సినిమా నుంచి ఇదే కథ నడుస్తోంది. కానీ ఈసారి దర్శకుడు నాగ వంశీ, సినిమా ఊహించిన దానికంటే త్వరగా విడుదల అవుతుందని చెప్పి ప్రభాస్ అభిమానులకు శుభవార్త అందించారు. అంతమాత్రాన సినిమా ఈ ఏడాదే విడుదల అవుతుందని మాత్రం అనుకోకండి.
Kalki 2: ప్రభాస్ నటించిన ‘కల్కి 2898 AD’ చిత్రం 2024లో విడుదలైంది. అమితాబ్ బచ్చన్, కమల్ హాసన్, దీపికా పడుకోన్ ప్రధాన పాత్రలలో నటించిన ఈ చిత్రం, 2024లో అతిపెద్ద బాక్సాఫీస్ విజయాలలో ఒకటిగా నిలిచింది. ఈ చిత్రం విడుదలైన రెండు సంవత్సరాల తర్వాత, ఈ సంవత్సరం దాని సీక్వెల్ షూటింగ్ ప్రారంభమైంది. ఈ సినిమా షూటింగ్లో ప్రభాస్ ఇంకా పాల్గొనలేదు. కానీ దర్శకుడు నాగవంశీ ఈ సినిమా విడుదల గురించి ఆసక్తికరమైన సమాచారాన్ని పంచుకున్నారు.
మీడియాతో మాట్లాడుతూ, నాగ్ అశ్విన్ ఇలా అన్నారు, “‘కల్కి 2’ పనులు ఇప్పటికే ప్రారంభమయ్యాయి. వచ్చే నెల నుంచి షూటింగ్ కొనసాగించడానికి మేము సన్నాహాలు చేస్తున్నాము మరియు దీనిని చాలా వేగంగా పూర్తి చేయబోతున్నాము.” కమల్ హాసన్ మరియు అమితాబ్ బచ్చన్ ఇప్పటికే ‘కల్కి 2’ షూటింగ్లో పాల్గొన్నారు. బచ్చన్ తన బ్లాగ్లో సెట్ నుండి కొన్ని చిత్రాలను కూడా పంచుకున్నారు.
‘కల్కి 2′(Kalki 2:) చిత్ర నిర్మాతలు త్వరలోనే షూటింగ్ పూర్తి చేస్తారని చెబుతున్నారు. కానీ, మూవీ పోస్ట్-ప్రొడక్షన్ పనులకు చాలా సమయం పడుతుంది. ఎందుకంటే ఈ చిత్రంలో విఎఫ్ఎక్స్, గ్రీన్ స్క్రీన్, స్పెషల్ ఎఫెక్ట్స్ చాలా ఉన్నాయి. భవిష్యత్ సన్నివేశాలతో పాటు, కురుక్షేత్రంలోని సన్నివేశాలు కూడా ఉన్నాయి. వీటన్నింటికీ మరింత సమయం అవసరం. అయినప్పటికీ, చిత్ర బృందం వచ్చే ఏడాది డిసెంబర్ నాటికి ఈ చిత్రాన్ని థియేటర్లలో విడుదల చేయడానికి ప్లాన్ చేస్తున్నట్టు తెలుస్తోంది.
ఇక ఈ సినిమా షూటింగ్ సంగతులు ఇలా ఉంటే..హీరోయిన్ దీపికా పడుకోన్ షూటింగ్ లో చేరడం లేదు. మొదటి భాగంలో నటించిన దీపికా పడుకోన్, ఈ మూవీ సీక్వెల్ లో చేయడం లేదు. ఇప్పుడు యూనిట్ మరో హీరోయిన్ కోసం వెతుకుతోంది. అయితే ఈ సీక్వెల్ లో దీపికా పడుకోన్ పాత్రను సాయి పల్లవి పోషిస్తుందని వదంతులు వినిపిస్తున్నాయి.
HYDERABAD WEATHER Hyderabad WEATHER
